Europa express
- Premio Jules Verne 2015.
- Publicado pola Editorial Xerais, 2015.
- Portada de Antonio Seijas.
- A partir de 13 anos.
- 9ª edición.
- Publicado pola Editorial Small Stations Press, 2018.
- Colección Galician Wave.
- Traducido ao inglés por Jonathan Dunne.
Sinopse
Imaxinas chegar a unha pequena cidade norueguesa que visitaches hai dez anos e descubrir que apareces nunha postal?
Pois iso é precisamente o que lle acontece a Nico, un dos protagonistas de Europa Express. Pero o que Nico non sabe é que esa postal agocha un incrible segredo capaz de remover todo o seu mundo. E o dos amigos cos que compartiu aqueles inesquecibles días.
Europa Express é unha novela inspirada nas miñas viaxes de interrail: tres meses en tres veráns consecutivos percorrendo Europa de tren en tren, cunha mochila chea de experiencias. E de postais para a miña colección.
Novela de viaxes, de intriga, amor e amizade, esta obra aborda o efémero da adolescencia, tan breve como o esplendor na herba, pero chea de emocións inesquecibles, capaces de alterar o curso das nosas vidas. Porque todo o que unha vez fomos permanece para sempre na memoria.
Curiosidades de Europa express
Son moi fan das novelas que se abren con citas que orientan a lectura das historias. É como unha pequena trampa literaria que pon ao lector ou lectora en preaviso e esperta a súa curiosidade.
Europa Express ábrese con tres citas sobre o tempo e a memoria.
O poema de William Wordsworth, un dos recoñecidos “Lake poets” do Romanticismo inglés, dá título a unha das películas que me impactou durante a adolescencia Splendor in the grass (ollo, que esta peli en branco en negro é do ano 1961! E aínda así recoméndoa moitísimo).
Pola súa banda, Marica Campo é unha das miñas poetas preferidas. Guía e mestra, é unha das mulleres máis incribles das nosas letras, capaz mesmo de achegarse á definición de beleza.
Canto a Robert Frost, é considerado un dos precursores da poesía moderna estadounidense. O eco do seu gran poema, Nothign gold can stay, atravesa o tempo ata coarse en obras tan dispares como no prólogo da coñecida novela Rebeldes, de Susan E. Hinton, ou a serie de animación Los Simpson.
Xeniais ilustracións dos personaxes de Europa Express de María Macías.
- Páxinas
- 216
- Idioma
- Galego e inglés
- ISBN
- 978-84-9914-943-1 / 978-84-9914-949-3
- Editorial
- Xerais
- Precio
- 12,95€ / 5,99€
- Formato
- Tapa branda e ePub
Novelas relacionadas
Reseñas
“Unha magnífica novela de intriga psicolóxica: Europa express, de Andrea Maceiras.»
“Novela marabillosamente contruída, que envolve o lector e faise cómplice con el: «Europa Express», de Andrea Maceiras.
“O amor, a amizade e a fraxilidade do ser humano”.
“Novela recomendada para a lectura persoal e compartida.”