O que sei do silencio
- Finalista do Premio Raíña Lupa 2017.
- Publicado pola Editorial Xerais, 2018.
- Proposta didáctica.
- 8ª edición.
- Finalista do Premio Raíña Lupa 2017.
- Traducido e publicado pola Editorial Algar, 2018.
- A partir de 14 anos.
Resumen
Inspirada libremente nunha historia real, O que sei do silencio é, quizais, unha das novelas máis intensas e complexas que escribín. Narrada en forma de blog, relata en primeira persoa como Delia e as súas amigas acosan á rapaza nova do instituto, a guapa e intelixente Silke. Pero tamén Silke a invisible. Silke a zorra. Silke a quentabraguetas.
Ata que todo se lles vai das mans.
Eu acosei.
El acosou.
Nós acosamos.
Eles acosaron.
Esta é a historia do tempo que Delia gardou ese silencio que agora a fai sentirse tan culpable.
Se che preocupa o acoso, se algunha vez sentiches que a presión do grupo che deixaba sen palabras, se che gustan as novelas realistas que tratan temas como o arrepentimento e as segundas oportunidades, anímate a ler esta historia relatada por una acosadora pasiva.
Cita
“O silencio pode converterse nun burato negro se te deixas arrastrar por el. O silencio pode mancar tanto como as palabras, tanto como as labazadas. Diso vai este blog. Dos meses que pasei en silencio. Do que aprendín aqueles días da crueldade e da cobardía.
Isto é o que sei do silencio.”
Curiosidades de O que sei do silencio
Encántanme os clubs de lectura, xa sexa en bibliotecas, comunidades online ou colexios e institutos. Por iso algúns personaxes da obra, como Delia, Elisa e Marcos forman parte dun.
No momento no que Silke chega ao instituto, no club de lectura están a ler un libro de contos titulado De cando fun serea, da autora Leaena Hiems. Delia comparte algúns destes relatos no blog para reflexionar máis profundamente sobre temas que a preocupan. Porén, ese libro non existe (aínda!).
Inventar libros e autores ficticios non é algo novo na historia da literatura. Pola contra, trátase dun vello xogo que moitos autores aproveitamos co fin de desdebuxar a delgada línea que separa a realidade e a ficción e así crear textos metaliterarios (literatura dentro de literatura). Quizais o exemplo máis coñecido é o do grimorio titulado Necronomicón, un libro inexistente que é froito da imaxinación do autor H.P. Lovecraft, pero que moitos lectores e lectoras consideraron real.
E é que ás veces o real e o ficticio están tan preto que non é fácil saber onde se atopa a liña que marca a diferenza. Pode que, nalgúns casos, nin sequera exista.
- Páxinas
- 224
- Idioma
- Galego e español
- ISBN
- 978-84-9121-402-1 / 978-84-9121-398-7
- Editorial
- Xerais
- Precio
- 12,95€ / 6,99€
- Formato
- Tapa branda e ePub
Novelas relacionadas
Reseñas
“Os personaxes están moi ben perfilados e a acción non só é crible senón que te convida a pensar fondamente no que alí se conta.”
“Creo que é un libro necesario e imprescindible que van devorar alumnas e alumnos e que pode servir de ponte de reflexión na aula.”
«Unha historia moi realista xa que logo reflexa o mundo dun centro ensino que non é outro que un modelo da sociedade actual, cos seus valores e cos seus defectos.»
Andrea Maceiras: "O acoso é un problema global que non afecta só a acosador e vítima"