• Editorial Baía Edicións, 2012.
  • Ilustracións de Noemí López Vázquez.

Sinopse

Despois dunha visita ao que será o seu instituto no curso próximo, David sente que algo non vai ben. As sombras dos lagartos perségueno na rúa, na escola e mesmo na casa, facéndoo lembrar intensamente a aldea dos seus avós, Santo Antón de Piñeiro. David sabe que só alí pode volver ser el mesmo e responder ao seu nome verdadeiro: Arnal. Tampouco pode esquecer a persoa que lle puxo ese alcume, o seu curmán Marcos, un rapaz introvertido que desapareceu misteriosamente e de quen ninguén quere falar. Por iso David está disposto a dedicar todo o verán a procurar a luz nas sombras do seu pasado. Quizais así poida reencontrarse cos seus amigos da primeira infancia, esquecer un pouco o divorcio de seus pais, revelar un segredo familiar oculto e dicir, ben alto, que todas as persoas teñen o dereito de decidiren o seu destino, sexa este o dos lagartos, o das avelaíñas ou mesmo o das bolboretas.

Curiosidades

O lagarto arnal, tamén chamado ocelado (Timon lepidus), pode chegar a medir 70 centímetros e de cor verde ou castaña, con bandas ou pintas azuis no dorso. En Galicia e noutros lugares considérase que ver un lagarto é un bo presaxio e o meu avó di que traen boa sorte.